A mata ia Matari’i e ia Teumere est un poème de TJT, enseignant de l'école Tahuri A Tapuni de Rangiroa, promouvant le reo sur le thème de Matari'i.
A MATA IA MATARI’I E IA TEUMERE
Te hiti mai nei te uru fetu o Matari’i
Tei ni’a ’oia i te ’īriatai
E tāpa’o ho’i teie
Te tomo nei te ao mā’ohi i roto i te tau ΄auhune
E mā’a te mau mā’a hotu
E tupu te mau mā’a tupu
E ’ūa’a te pua rau
E ’āere te manu rau o te reva, o te fenua e o te moana
E uruti’a te rāhui
E pūpū te oho nā te nu’u atua mā’ohi ,
E pūpū te oho nā te hui ari’i mā’ohi
Te hiti mai nei o Teumere (Te uru o Mere)
Tei ni’a ’oia i te ’īriatai
Tei mua ho’i o Matari’i
Te taha nei te Matau a Maui i tapira’a.
E tāpa’o ho’i teie
Tei roto te ao mā’ohi i te tau ’auhune
’Ua mā’a te mau mā’a hotu
’Ua tupu te mau mā’a tupu
’Ua ’ūa’a te pua rau
’Ua ’āere te mau manu rau o te reva , o te fenua e o te moana
’Ua uruti’a te rāhui
’Auē ho’i ē, e te nuna’a manahune ē
’Ua riro ’oe i te mana ’auhune
’Ua ora te nuna’a mā’ohi
’Ua ora te ao mā’ohi
TJT 2013
NDLR : L'oeuvre est accessible au téléchargement depuis les rubriques :
- Pro / Cycle 1 / Langage / L'oral
- Pro / Cycle 2 / Langues vivantes / Approches culturelles
- Pro / Cycle 3 / Langues vivantes / Activités culturelles
